刊登守則及內容審核
最後更新：2026-10-17
為咗令平台安全可靠，所有刊登必須遵守以下守則。提交嘅刊登會先進入「待審核」狀態，經人手審核後先會公開。
一、一般要求
- 內容必須真實、準確，唔可以誤導。
- 揀啱分類同地區；同一內容唔好重複刊登。
- 只可使用你擁有權利嘅圖片同文字。
- 價錢要清楚；如需報價，可註明「報價查詢」。
- 唔可以刊登虛假評價、虛構好評或冒充他人。
一甲、免費刊登同外部網址
- 免費刊登：標題、描述同價錢欄唔可以放外部網址，包括以
http://、https://、www.開頭，或者常見網域（例如.com、.com.hk、.hk）嘅網站地址。聯絡方法請用表格嘅公開聯絡欄（WhatsApp／電話／電郵），唔好用網址代替。 - 想喺刊登度出網址：必須加購付費推廣（例如頂貼、加黃，或★ 精選商戶位），詳見廣告服務。免費提交時系統會拒絕含網址嘅內容；之後先付款升級，亦唔可以靠免費刊登先夾網址。
- 付費推廣亦都要遵守本守則其餘條款；詐騙、釣魚或惡意連結一律禁止。
二、禁止刊登
- 違法物品或服務，包括毒品、武器、爆炸品、受管制藥物；
- 冒牌貨、盜版或侵犯知識產權嘅物品；
- 色情、性服務或任何涉及剝削嘅內容；
- 非法賭博、非法借貸或未經授權嘅金融及投資產品；
- 個人買賣動物（在香港售賣動物須持有漁農自然護理署牌照）及受保護瀕危物種；
- 處方藥物、未經註冊嘅藥物或聲稱有醫療功效而未經證實嘅產品；
- 煙草、電子煙及另類吸煙產品、酒類售予未成年人士；
- 身份證明文件、銀行戶口、電話卡等買賣或租借；
- 傳銷、層壓式推銷、「先付費後工作」嘅招聘；
- 仇恨、歧視、騷擾或暴力內容；
- 任何詐騙、釣魚連結或惡意軟件。
三、個別分類要求
- 家居裝修維修：涉及電力、食水供應或樓宇結構嘅工程，應列明相關註冊或牌照資料（如適用）。
- 招聘：須列明職位及工作性質，唔可以要求求職者付款，並須遵守香港反歧視法例及《僱傭條例》。免費招聘刊登公開約 7 日，期滿自動落架；需要延長可考慮付費推廣。
- 產品：本類必須付費先出街（例如「產品刊登 7 日」），唔可以走免費待審／批准路徑；唔收二手、中古或放售自用物品。付費並審核通過後公開約 7 日，期滿自動落架；可另購頂貼／加黃延長曝光。電話卡／eSIM 等灰區項目一樣要先付費並過審核。
- 飲食：售賣食物須符合食物環境衞生署嘅相關發牌要求。
- 寵物：只接受寵物用品、服務及合法領養資訊。
四、審核流程
- 提交：刊登者經「刊登廣告」表格提交，系統會進行基本檢查（必填欄位、字數、防垃圾訊息機制）。
- 待審核：刊登以「待審核」狀態儲存，暫時唔會公開。
- 人手審核：審核員會檢查內容有冇違反本守則、分類是否正確、聯絡資料是否合理。
- 結果：通過後刊登會公開；唔獲通過嘅刊登會被拒絕，如刊登者提供咗電郵，我哋會盡量通知原因。
審核會盡快處理；所需時間視乎刊登內容同當時嘅刊登數量。
五、舉報處理
每個刊登頁面都有「舉報此刊登」按鈕。收到舉報後，我哋會審視相關刊登；如確認違規，會暫停或移除，並視乎情況限制刊登者再次刊登。涉及刑事成分嘅個案，我哋可能會向執法機關提供資料。
六、精選商戶刊登
精選商戶嘅刊登會標示「★ 精選」（付費商戶刊登位置），內容按商戶官方網站、官方社交專頁或商戶提供嘅資料整理，並唔代表本站推薦、排名或保證。價錢、服務時間及服務地區以商戶確認為準。