關於我們

街招係一個香港本地網上廣告・分類廣告平台，提供免費廣告刊登。品牌叫「街招」，係因為以前街坊常喺街邊、電燈柱或者大廈門口睇實體街招搵師傅；我哋希望將呢種本地、直接嘅搵服務方式搬上網，整理得更清楚、更安全，亦唔會周圍貼街招影響市容。街招唔係招牌保育組織。我哋以家居裝修維修為主打分類——渠務、清拆還原、內外牆維修、防水、水電、驗樓驗窗、清泥頭、裝修、搬屋、清潔——另設獨立電動車主分類（充電安裝、充電、配件、車商），同時亦有招聘、補習、美容、飲食、寵物及活動等生活分類。

我哋點解做呢個平台？

屋企突然塞渠、漏水，或者退租要還原交吉，好多人第一個問題都係「去邊度搵師傅？」。資訊分散喺唔同社交平台同群組，好難比較。我哋希望將本地商戶同服務按分類同地區整理好，配合實用嘅生活指南，等大家搵服務時有清楚資料、識得問啱問題。

我哋嘅原則

• 內容真實：刊登須經審核先會公開；我哋唔會製造虛假刊登或虛假評價；精選商戶刊登只按商戶官方公開資料整理，唔會加入冇根據嘅價錢、年資或評分。
• 清楚標示廣告：付費置頂或精選位置會清楚標示「★ 精選」、「置頂」或「推廣」，商戶頁底部亦會註明屬付費商戶刊登位置。網站上嘅「精選商戶」係商戶付費嘅廣告，唔係本站推薦、排名或評價。
• 重視私隱：我哋只收集營運所需嘅資料，詳情見私隱政策。
• 歡迎舉報：每個刊登都設有舉報按鈕，我哋會按刊登守則處理。

平台角色

街招只提供資訊刊登平台，並唔參與用戶之間嘅交易、唔代收款項，亦唔為任何刊登者嘅服務質素作保證。交易前請自行核實，並參考我哋嘅安全交易指南。

營運狀況

如有任何意見，歡迎經聯絡我們頁面話畀我哋知。